သာသနာနှစ်-၅၀၀၀ သိကောင်းစရာ
#သာသနာငါးထောင်ရှင်းတမ်း
------------------------------
မြတ်စွာဘုရား ကပိလ၀တ်ပြည်မှာ သီတင်းသုံးတော်မူစဉ် ဘုရား၏ မိထွေးတော်ဖြစ်တဲ့ မဟာပဇာပတိ ဂေါတမီက မြတ်စွာဘုရား၏ သာသနာတော်မှာ မာတုဂါမများ ရဟန်းပြုခွင့်ရအောင်လို့ အကြိမ်ကြိမ် တောင်းပန်ခဲ့ပါတယ်၊ ထိုစဉ်ကာလ က မြတ်စွာဘုရား ခွင့်မပြုခဲ့ပါ၊ နောက် ကပိလ၀တ်ပြည်က နေပြီးတော့ ကြွသွားလို့ ဝေသာလီ ရောက်တော်မူပါတယ်၊ အဲဒီအခါမှာ မဟာပဇာ ပတိ ဂေါတမီ အမှူးရှိသော သာကီဝင် မင်းသမီး ငါးရာတို့ဟာ ခေါင်းများရိတ်,ဖန်ရည်စွန်းသော အ၀တ်များဝတ်ပြီးတော့ ဝေသာလီကို လိုက်လာကြပါတယ်၊ အဲဒီအခါမှာ အရှင်အာနန္ဒာက လျှောက်ထား တောင်းပန်ပေးလို့ မြတ်စွာဘုရားက "ဂရုဓံရှစ်ပါး လက်ခံ ကျင့်သုံးနိုင်လို့ရှိလျှင် ထိုလက်ခံခြင်းသည်ပင်လျှင် မဟာပဇာပတိ ဂေါတမီအား ပဉ္စင်းအဖြစ် ဖြစ်စေလို့"ခွင့်ပြုလိုက်ပါတယ်။
ဒီအခါမှာ ရှင်အာနန္ဒာက တဆင့် သွားပြီး ဂရုဓံရှစ်ပါးကို ဟောကြားပါတယ်၊ မိထွေးတော်ဂေါတမီကလဲ လက်ခံယူ ပါတယ်၊ အဲသလို လက်ခံယူပြီးတဲ့ အကြောင်းကို မြတ်စွာဘုရားထံ ပြန်ပြီးတော့ လျှောက်ထားတဲ့အခါမှာ မြတ်စွာဘုရားက--
"သစေ အာနန္ဒ နာလဘိဿ မာတုဂါမော တထာဂတပ္ပဝေဒိတေ ဓမ္မ၀ိနယေ အဂါရသ္မာ အနဂါရိယံ"
စသည်ဖြင့် "မာတုဂါမ အမျိုးသမီးများဟာ မြတ်စွာဘုရား၏ သာသနာတော်မှာ ရှင်ရဟန်းအဖြစ်ဖြင့် မ၀င်ရောက်ရဘူး"ဆိုလို့ရှိလျှင် မြတ်သောအကျင့်=သာသနာတော်ဟာ ရှည်မြင့်စွာ တည်တံ့မည်၊ အနှစ်တထောင် တည်မယ်၊ သို့သော်လဲ
"ယခုအခါ ကာလမှာ မာတုဂါမအမျိုးသမီးများ မြတ်စွာဘုရား၏ သာသနာတော်မှာ ရှင်ရဟန်းပြုလိုက်တဲ့အတွက် မြတ်သော အကျင့်ဟာ ရှည်မြင့်စွာ မတည်တံ့တော့ဘူး၊အနှစ်ငါးရာမျှသာ တည်တံ့မယ်လို့"အဲဒီလို မိန့်မြွက်တဲ့ စကားဟာ ပါဠိတော်မှာ ရှိပါတယ်။
အဲသလို မိန့်မြွက်ပြီးတော့ ဘာကြောင့် ဒီလို ဖြစ်ရတယ်ဆိုတာကို ဥပမာတွေနှင့် ပြပြန်ပါတယ်၊ ယောကျာ်း နည်းပါး ပြီး အမျိုးသမီး မိန်းမတွေက များပြားနေတဲ့ အိမ်ကို သူခိုးများခိုရန် လွယ်ကူသလိုပဲလို့ ဒီလိုလဲ ဥပမာတခု ပြပါတယ်၊ နောက် တခုက ကောက်စပါးများမှာ ကောက်နာကျလို့ရှိလျှင် ကြာရှည်စွာ မတည်ပဲ ပျက်စီးသလိုပဲလို့ ဒီလိုလဲ ဥပမာတခု ဖြစ်ပါ တယ်။ နောက်တခုကတော့ ကြံခင်းများမှာ ကြံနာကျလို့ရှိလျှင် ကြာရှည်စွာ မတည်ပဲ ပျက်စီးသလိုပဲလို့ ဒီလိုလဲ ဥပမာ ပြပါ တယ်၊ အဲဒီလိုပြပြီးတော့ နောက်ဆုံး ဥပမာကျတော့ကာ-
"သေယျထာပိ အာနန္ဒ ပုရိသော မဟတော တဠာကဿ ပဋိကစ္စေ၀ အာဠိဗန္ဓေယျ ယာဝဒေ၀ ဥဒကဿ နအတိက္ကမနာယ"
စသည်ဖြင့် ဥပမာပြပါတယ်။
တဖက်ဆည်ကန်များမှာ မိုးမကျမီ ရှေးဦးက ကြိုတင်ပြီးတော့ ကန်ပေါင်ရိုးများကို ပြုပြင်ရပါတယ်၊ ဘာကြောင့် ပြုပြင်ရတုံး ဆိုလို့ရှိလျှင် ရေတည်သင့်သလောက် တည်အောင်လို့ ပြုပြင်ရတာပါပဲ၊ ထို့အတူ ဘိက္ခုနီမတွေဟာ အသက်ထက် ဆုံး မလွန်ကျူးပဲ လိုက်နာကျင့်သုံးရန်အတွက် ရှစ်ပါးသော ဂရုဓံ သိက္ခာပုဒ်များကို စောစောစီးစီးကပဲ
ကြိုတင်ပြီးတော့ မြတ်စွာဘုရားက ပညတ်တော်မူတဲ့အကြောင်းကို အမိန့်ရှိပါတယ်။
အဲဒီလို အမိန့်ရှိတဲ့စကားဖြင့် ဘယ်လိုအဓိပ္ပါယ်ကို ပြတယ်ဆိုတာဟာ မထင်ရှားပဲမြုပ်ပြီးတော့နေပါတယ်၊ ဒါကြောင့် အဋ္ဌကထာမှာ အဲဒီမြုပ်နေတဲ့ အနက်အဓိပ္ပါယ်ကို "မဟတာ တဠာကဿ ပဋိကစ္စေ၀ အာဠိန္တိ ဣမိနာ ပနဧတမတံ္ထ ဒေဿတိ"လို့ ထုတ်ဖော်ပြီးတော့ ပြသွားပါတယ်။
ဥပမာအားဖြင့် တဖက်ဆည်ကန်မှာ နည်းနည်းပါးပါး ပျက်နေတဲ့ ဘောင်တွေဆိုတာ ရှိပါလိမ့်မယ်၊ အဲဒါတွေကို မပြုမပြင်ပဲနှင့် ထားလျှင်လဲ အတော်အတန် တ၀က်တပျက်တော့ ရေဟာ တည်နိုင်ပါတယ်တဲ့၊ အကယ်၍ စောစောကတည်းက ကန်ပေါင်ရိုးတွေ အပြည့်အစုံ ပြုပြင်ပြီးတော့ ထားလိုက်လို့ရှိလျှင်တော့ ရေဟာ တည်သင့်သလောက် အပြည့်အစုံပဲ တည်နိုင် ပါတယ်။
အဲဒီလိုပဲ မြတ်စွာဘုရားက ဂရုဓံ ရှစ်ပါးကို စောစောစီးစီးက ကြိုတင်ပြီး မပညတ်သော်လဲ မာတုဂါမတွေ သာသနာ တော်ဘောင်မှာ ၀င်လာတဲ့အတွက် အနှစ်တထောင်မှ အနှစ်ငါးရာသာ လျော့ဘို့ ရှိပါတယ်၊ အနှစ်ငါးရာတော့ သာသနာတော် ဟာ တည်တံ့နိုင်ပါတယ်တဲ့၊ အဲဒီလို အနှစ်ငါးရာ လျော့မသွားဘို့ရာ စောစောစီးစီးက ကြိုတင်ပြီးတော့ ဂရုဓံ ရှစ်ပါးကို ပညတ်လိုက်တဲ့အတွက် လျော့သွားမည့် ငါးရာလဲ လျော့မသွားတော့ပဲ အနှစ်တထောင် တည်မြဲ တည်မယ်ဆိုတဲ့ အဓိပ္ပါယ်ကို ဒီဥပမာစကားဖြင့် ပြတယ်ဆိုတဲ့ အကြောင်းကို အဋ္ဌကထာက ဖွင့်ပြပါတယ်။
အဲဒီစကားထဲမှာ အနှစ်တထောင် တည်မယ်ဆိုလို့ရှိလျှင် "အနှစ်တထောင်ရဲ့ နောက်ကျလျှင် သာသနာဟာ ဘာမျှမရှိ တော့ပဲ လုံးလုံးကွယ်သွားမှာလား" လို့ ဒီလို မေးစရာရှိပါတယ်။
ဖြစ်နိုင်တဲ ဒါကြောင့် "၀ဿသဟဿံ=အနှစ်တထောင်" လို့ ဆိုတာကလဲ ပဋိသမ္ဘိဒါပတ္တဖြစ်တဲ့ ရဟန္တာကြီးတွေ အပြည့်အစုံ
့ ခေတ်ကာလကို ရည်ရွယ်ပြီး ဆိုပါတယ်တဲ့၊ မြတ်စွာဘုရား၏ သာသနာတည်တယ်ဆိုတာဟာ မြတ်စွာဘုရား၏ သာသနာတွင်းမှာ ဖြစ်သင့်ဖြစ်ထိုက်တဲ့ အဆင့်အတန်းတွေ အမြင့်ဆုံးအဆင့်အတန်းထိအောင် အပြည့်အစုံတည်တာကို ဆိုလို ပါတယ်တဲ့။
ဒါကြောင့် "အနှစ်တထောင် တည်မယ်ဆိုတာဟာ အဲဒီ အနှစ်တထောင်အတွင်းမှာ အမြင့်ဆုံးဖြစ်တဲ့ ပဋိသမ္ဘိဒါပတ္တ ရဟန္တာကြီးများ တိုင်အောင် တည်နေမယ်"လို့ ဆိုလိုပါတယ်။
ပဋိသမ္ဘိဒါပတ္တ ရဟန္တာတွေတည်ရှိနေတယ်ဆိုလျှင် အဲဒီအထဲမှာ ဆဠဘိည ရဟန္တာတွေလဲ ပါသွားပါတယ်၊ တေ၀ိဇ္ဇ ရဟန္တာတွေလဲ ပါသွားပါတယ်၊ အဲဒီအနှစ်တထောင်ပြီးတဲ့ ကာလကျတော့ လုံးလုံး သာသနာပျောက်သွားဘို့ မဖြစ်နိုင်ပါဘူး။ ပဋိသမ္ဘိဒါပတ္တ ရဟန္တာခေါ်တဲ့ အမြင့်မြတ်ဆုံး ရဟန္တာပုဂ္ဂိုလ်ကြီးတွေ တဆင့်ပြီးတဲ့နောက် အကုန်လုံး ကွယ်သွားဘို့ရန် မဖြစ် နိုင်ပါဘူး။ တဖြည်းဖြည်းချင်း လျော့သွားပြီးတော့မှ ကွယ်သွားဘို့ ဖြစ်နိုင်ပါတယ်။
အဲဒီက နောက်မှာ သုက္ခ၀ိပဿက ရဟန္တာ အဖြစ်ဖြင့် အနှစ်တထောင် သာသနာတည်ဦးမယ်တဲ့။ အဲဒီကနောက်မှာ အနာဂါမ်အဖြစ်ဖြင့် အနှစ်တထောင် သာသနာတည်ဦးမယ်တဲ့၊ အဲဒီကနောက်မှာ သကဒါဂါမ်အဖြစ်ဖြင့် အနှစ်တထောင်တည် ဦးမယ်တဲ့၊ အဲဒီကနောက်မှာ သောတာပန်အဖြစ်ဖြင့် အနှစ်တထောင် သာသနာတည်ဦးမယ်တဲ့၊ ဒီလို သာသနာငါးထောင် နှစ်ပေါင်းငါးထောင် ပိုင်းခြားပြီးတော့ ပြထားပါတယ်။
အဲဒီ အနှစ်ပေါင်းငါးထောင်မှာ ယခုနေအခါဆိုလို့ရှိလျှင် အနှစ်နှစ်ထောင်နှင့် ငါးရာရှိနေတဲ့အတွက် ပဌမပဋိသမ္ဘိဒါ ပတ္တ ခေတ်ကတော့ မရှိပါဘူး။ နောက် ဒုတိယ သုက္ခ၀ိပဿက ရဟန္တာခေတ်လဲ ဒီအဋ္ဌကထာ အရဆိုလျှင် ယခု မရှိတော့ဘူး လို့ ဆိုရမှာပဲ၊ ဘာခေတ် ရှိနေသေးသလဲဆိုတော့ တတိယ-ထောင်စု ဖြစ်တဲ့အတွက် အနာဂါမ်ခေတ် ရှိနေသေးတယ်လို့ ဒီအဋ္ဌ ကထာက ဆိုပါတယ်၊ ယခု ပြောခဲ့တာဟာ ဒီအဋ္ဌကထာမှာ ပြဆိုထားတဲ့ အတိုင်း မှတ်သားဘို့ရာ ဖြစ်ပါတယ်။
ယခု ပြောခဲ့တဲ့အတိုင်း "အနှစ် ငါးထောင်ပတ်လုံး မဂ်ဖိုလ်ဆိုတဲ့ သဒ္ဓမ္မ သူတော်ကောင်း တရားတွေ တည်နေတယ် ဆိုလျှင် ပရိယတ် တရားကတော့ ဘယ်လောက်ကြာအောင် တည်ပါသလဲ"လို့ မေးစရာရှိပါတယ်၊ အဖြေကတော့ ပရိယတ် တရားလဲ အဲဒီ ပဋိဝေဓခေတ် အနှစ်ငါးထောင်ပါပဲတဲ့၊ ဒါကြောင့် "တာနိယေ၀"လို့ မိန့်ဆိုထားပါတယ်။
ဒီနေရာမှာ ပရိယတ်လဲ ဒါလောက်ပဲ တည်တယ်ဆိုတာကို ခိုင်ခိုင်မြဲမြဲ ယုံကြရအောင်လို့ အကြောင်းယုတ္တိကိုလဲ ဆက်ပြထားပါတယ်၊ မြတ်စွာဘုရားဟောကြားတဲ့ ကျင့်နည်း ပရိယတ္တိ ဒေသနာတော်တွေ မရှိလျှင် ပဋိဝေဓဆိုတဲ့ မဂ်တရား ဖိုလ်တရား တွေဟာ မရှိနိုင်ပါဘူးတဲ့၊ ပရိယတ် ရှိနေလျှင်လဲ ပဋိဝေဓဆိုတဲ့ မဂ်တရား ဖိုလ်တရားဟာ မကွယ်နိုင်ပါဘူးတဲ့၊ နည်းလမ်းရှိလျှင် အဲဒီ နည်းလမ်းအတိုင်း ကျင့်ကြံတဲ့ ပုဂ္ဂိုလ်တွေ သန္တာန်မှာ ပဋိဝေဓဟာ ရှိရပါမယ်တဲ့၊ အဲဒါကို ခိုင်ခိုင်မြဲမြဲ မိန့်ဆိုသွားပါတယ်။
ပြီးတော့ ရဟန်းအသွင်ဖြစ်တဲ့ လိင်္ဂသာသနာဆိုတာကတော့ ပရိယတ်ကွယ်သွားပြီးတဲ့နောက်လဲ အကြာကြီးတည်နေနိုင် သေးတယ် ဆိုတာကို ဒီအဋ္ဌကထာက ပြသွားပါတယ်၊ ၀ိနည်းမှာ လာတဲ့ ဒီသာသနာ ငါးထောင် ပိုင်းခြားပုံဟာ အသေချာဆုံး ပါပဲ။ အဲဒါကို တိုတို မှတ်ရအောင်---
"ပ, သုက်, အနာ၊ သ,သောတာ၊ မိန့်မှာ ၀ိနယ"---
လို့ ဒီဆောင်ပုဒ်ကလေးကို စီထားပါတယ်။
ပ-က ပဋိသမ္ဘိဒါပတ္တ ခေတ်၊
သုက်-က သုက္ခ၀ိပဿက ခေတ်၊
အနာ-က အနာဂါမ် ခေတ်၊
သ-က သကဒါဂါမ် ခေတ်၊
သောတာ-က သောတာပန် ခေတ်။
အဲဒါ တထောင်စီ တထောင်စီ ငါးထောင် ဖြစ်ပါတယ်၊ "ပ, သုက်, အနာ၊ သ, သောတာ၊ မိန့်မှာ ၀ိနယ" ၀ိနည်း အဋ္ဌကထာက ဒီအတိုင်း ဆိုတယ်လို့ ဒီဆောင်ပုဒ်က ဆိုလိုပါတယ်။
ဒီဝိနည်းအဋ္ဌကထာလိုပဲ အင်္ဂုတ္တိုရ်ကျတော့လဲ အဋ္ဌကနိပါတ် ဂေါတမီဝဂ်မှာ ပါဠိလဲ ဒီကပါဠိအတိုင်းပဲ၊ အဋ္ဌကထာ လဲ ဒီက အဆိုအတိုင်းပဲ အလားတူ ရှိပါတယ်။
ဒီဃနိကာယ် ပါထိက၀ဂ် အဋ္ဌကထာမှာတော့ "ပဌမ ပဋိသမ္ဘိဒါပတ္တခေတ် တထောင်၊ နောက်ဆဠဘိညခေတ် တထောင်၊ တေ၀ိဇ္ဇခေတ် တထောင်၊ သုက္ခ ၀ိပဿက ခေတ် တထောင်၊ ပါတိ မောက္ခ သံဝရခေတ် တထောင်လို့ သူက တမျိုး မိန့်ဆိုထားပါတယ်၊ အဲဒါဟာ ပါထိက ၀ဂ် အဋ္ဌကထာ သမ္ပသာဒနီယသုတ် အဖွင့် နံပါတ် ၈၃-မှာ ရှိပါတယ်။
ပြီးတော့ အင်္ဂုတ္တရ အဋ္ဌကထာ ဧကကနိပါတ် ဒုတိယ ပမာဒါဒိဝဂ် အဖွင့်မှာလဲ သာသနာ ဆုတ်ယုတ်ပုံကို တမျိုးပြ ထားတာ ရှိပါတယ်။
ပီးတော့ နိဒါန၀ဂ္ဂသံယုတ် အဋ္ဌကထာ နံပါတ် ၁၈၇-မှာလဲ သာသနာဆုတ်ယုတ်ပုံကို တမျိုးပြထားတာ ရှိပါတယ်။
အဲဒီအင်္ဂုတ္တရ, သံယုတ် အဋ္ဌကထာများမှာ ပြတာတွေကတော့ အနှစ်တထောင်စီရယ်လို့ သေသေချာချာ ကန့်သတ် မထားပါဘူး၊ ပဌမ ဗောဓိမှာ ပဋိသမ္ဘိဒါ ပတ္တသာ ဖြစ်ပါတယ်၊ အဲဒီကနောက် သုက္ခ၀ိပဿက ဖြစ်တယ်၊ အဲဒီကနောက် အနာဂါမ် သကဒါဂါမ် သောတာပန် ဖြစ်တယ် စသည်ဖြင့် ဒီလိုအစဉ်အတိုင်း ဆုတ်ယုတ်ပုံလောက်ကိုသာ ပြထားပါတယ်၊ နှစ်အပိုင်းအခြားနှင့် တထောင်စီ တထောင်စီလို့ ဒီလို သေသေချာချာ ကန့်သတ်ပြီး ပြတာတော့ မဟုတ်ပါဘူး။
ဒါပေမယ်လို့ ဒီဝိနည်း ဒီဃနိကာယ် အဋ္ဌကထာတွေနှင့် နှီးနှောပြီးတော့ ပဋိသမ္ဘိဒါပတ္တခေတ် တထောင်၊ ဆဠဘိည ခေတ် တထောင်၊ တေ၀ိဇ္ဇခေတ် တထောင်၊ သုက္ခ၀ိပဿကခေတ် တထောင်၊ ပြီးတော့ သေက္ခခေတ် သောတာပန် သကဒါဂါမ် အနာဂါမ်ခေတ်က တထောင်လို့ သံယုတ်နှင့် အင်္ဂုတ္တိုရ် အဋ္ဌကထာအဆိုကို ရှေးဆရာ အစဉ်အဆက်က ပိုင်းခြားပြီး မှတ်ယူ ထားကြပါတယ်။
ဒီနေရာမှာ သာသနာ ငါးထောင်နှင့် ပတ်သက်ပြီးတော့ အဋ္ဌကထာ တွေဟာတကျမ်းနဲ့ တကျမ်းမတူပဲ ဘာဖြစ်လို့ ကွဲနေကြပါသလဲလို့ ဒီလိုလဲမေးစရာရှိပါတယ်၊ ဒါကတော့ ရှင်မဟာ ဗုဒ္ဓဃောသ အဋ္ဌကထာဆရာဟာ သူရေးတဲ့အခါ ကာလ မှာ ရှေးကရှိနေတဲ့ အဋ္ဌကထာတွေ အတိုင်းပဲ ရေးသွားပါတယ်၊ သူ့သဘောနှင့် သူပြင်ပြီး ရေးမသွားပါဘူး။ ဒီအချက်တွေက ပြင်ဘို့ရာလဲ ခက်ပါတယ်၊ ဒါကသာ မှန်တယ်လို့ ကိန်းသေ ဆုံးဖြတ်ဘို့ရန် မလွယ်ပါဘူး၊ ဒါကြောင့် ရှေးက ရှိရင်းအတိုင်း ရေးသွားတာဟာ ဒီအဋ္ဌကထာ ဆရာ၏ ရေးသားပုံ အပေါ်မှာ ကြည်ညိုဘွယ်ရာ ဂုဏ်တခု ဖြစ်ပါတယ်။
ရှေးက ၀ိနည်းဆောင် ပုဂ္ဂိုလ်တွေရဲ့ မှတ်သားချက်အတိုင်း ၀ိနည်း အဋ္ဌကထာမှာ ရေးခဲ့ပါတယ်၊ ဒီဃနိကာယ်ဆောင် ပုဂ္ဂိုလ်တွေရဲ့ မှတ်သားချက်အတိုင်း ဒီဃနိကာယ်အဋ္ဌကထာမှာ ရေးခဲ့ပါတယ်၊ အင်္ဂုတ္တရ, သံယုတ္တနိကာယ်ဆောင်တွေ မှတ် သားချက်အတိုင်း အင်္ဂုတ္တရ, သံယုတ္တ အဋ္ဌကထာများမှာလဲ ရေးသွားပါတယ်။
ယုဂ ငါးမျိုး********
------------
ပြီးတော့ ယခုဗမာပြည်မှာ သာသနာနှစ်ငါးထောင်ကို ယုဂ်ငါးပါးနှင့် အလှည့်ကျ ဝေဘန်ပိုင်းခြားပြီး ပြောနေကြတာ လဲရှိပါတယ်၊ ၀ိမုတ္တိယုဂ အနှစ်ငါးရာ၊ ပြီးတော့ သမာဓိယုဂ အနှစ်ငါးရာ၊ အဲဒီကနောက် သီလယုဂ အနှစ်ငါးရာ၊ အဲဒီက နောက် သုတယုဂ အနှစ်ငါးရာ၊ အဲဒီကနောက် ဒါနယုဂ အနှစ်ငါးရာ၊ အဲဒီကနောက် သာသနာနှစ်- ၂၅၀၀ ကျော်တဲ့အခါမှာ ၀ိမုတ္တိယုဂကို တဖန် ပြန်ရောက်တယ် စသည်ဖြင့် ဒီလို ပြောနေကြပါတယ်။
အဲဒါကတော့ ပြောတဲ့အတိုင်း ၀ိမုတ္တိယုဂ ပြန်ရောက်တယ်ဆိုလျှင် ၀မ်းမြောက် ၀မ်းသာစရာ မင်္ဂလာရှိတဲ့ စကားပါပဲ၊ ဒါပေမယ်လို့ အဲဒီ ယုဂငါးပါးကို ပြဆိုတဲ့ ကျမ်းရင်းက စကားကို သတိပြုဘို့ လိုပါတယ်၊ အဲဒါဟာ ထေရ ဂါထာ အဋ္ဌကထာ တိံသနိပါတ် ဖုဿ ထေရ ဂါထာ အဖွင့်မှာ ရှိပါတယ်။
အဲဒီမှာ ဆိုထားတာကတော့ ရှေးအဋ္ဌကထာ ၀ါဒအနေနဲ့မဟုတ်ပဲ နောက်မထေရ်တို့၏ အဆုံးအဖြတ်ထေရ၀ါဒ အနေ မျိုးနှင့် ပြဆိုထားတာ ဖြစ်နေပါတယ်။ ပဏ္ဍရမည်တဲ့ ရသေ့ကမေးလို့ ဖုဿမထေရ်က သာသနာတော် ဆုတ်ယုတ်တဲ့အခါမှာ ဖြစ်ပေါ်မည့် အခြင်းအရာတွေကို ပြောပြီးတော့ "ပတ္တေကာလမှိ ပစ္ဆိမေ=နောက်ဆုံးကာလကျတော့ ဒီလိုဖြစ်လိမ့်မယ်"လို့ မိန့်ဆိုထားပါတယ်၊ ဒီနေရာမှာ နောက်ဆုံး ကာလဆိုတာကို ဘယ်ကစပြီး ယူရမလဲလို့ မေးစရာ ရှိနေပါတယ်၊ ဒီအချက်ကို ဆုံးဖြတ် ပြဆိုရာမှာ ကေစိ, ဧကေ, အပရေ ၀ါဒသုံးမျိုး ကွဲနေပါတယ်၊ ကေစိဆရာတို့က တတိယ သံဃာယနာကစပြီ့း  ပစ္ဆိမ=နောက်ဆုံးကာလ ရောက်တယ်လို့ ဆိုကြပါတယ်၊ အဲဒီ ကေစိဝါဒကို ဧကေ ဆရာတို့က လက်မခံကြပါဘူး၊ ဒါကြောင် ထေရဂါထာ အဋ္ဌကထာမှာ "တံ ဧကေ နာနု ဇာနန္တိ" လို့ ဆိုပြီးတော့ အဲဒီ လက်မခံခြင်းရဲ့ အကြောင်းကို ပြလိုတဲ့အတွက် ဒီယုဂ်ငါးပါးကိုထုတ်ပြပါတယ်၊ ဒီတော့ ဒီယုဂ်ငါးပါးဟာ ဧကေ ဆရာတို့၏ ၀ါဒပဲလို့သာ ဆိုစရာဖြစ်နေပါတယ်၊ ဒီယုဂ် ငါးပါးထဲမှာ ဧကေဆရာတို့က သုတယုဂက စပြီး နောက်ဆုံး ကာလလို့ ဆိုပါတယ်၊ အပရေဆရာတို့က သီလယုဂ-က စပြီး နောက်ဆုံး ကာလလို့ ဆိုပါတယ်။
ပြီးတော့ အဲဒီယုဂ်ငါးပါးမှာလဲ အစဉ်အတိုင်း ဆုတ်ယုတ်ပုံကိုသာ ပြပါတယ်၊ တယုဂ်မှာ ငါးရာလို့လဲ မပါဘူး၊ တထောင်လို့လဲ မပါဘူး၊ နှစ်အပိုင်းအခြားကတော့ ဘာမျှ မပါပါဘူး၊ ဆုတ်ယုတ်ပုံကို ပြတော့လဲ ၀ိမုတ္တိယုဂ် ကွယ်လျှင် သမာဓိယုဂ် ဖြစ်တယ်, သမာဓိယုဂ် ကွယ်တော့ သီလယုဂ်ဖြစ်တယ်, သီလယုဂ် ကွယ်တော့ သုတယုဂ် ဖြစ်တယ်လို့ ဒီလို ပြသွားပါတယ်၊ သူ့အဋ္ဌကထာမှာ "တသိံ္မ အန္တရဟိတေ" ဆိုတဲ့ အတွက် ဒီမှာလဲ ကွယ်တယ်လို့
ပြောရပါတယ်။
ဒီနေရာမှာ သုတယုဂ်ကွယ်ပုံ ပြထားတာကတော့ အထူးပဲမှတ်သားစရာ ကောင်းပါတယ်၊ "ယဒါ ပန မာတိကာ ပရိယောသာနာ ပရိယတ္တိ သဗ္ဗသော အန္တရဓာယတိ" လို့ ပြထားပါတယ်။ ယဒါ၊ အကြင် အခါ၌။ မာတိကာပရိယောသာနာ၊ မာတိကာအဆုံးရှိသော။ ပရိယတ္တိ၊ ပိဋကတ်သုံးပုံ ပရိယတ်တရားတော်သည်။ သဗ္ဗသော၊ အခြင်းခပ်သိမ်း။အန္တရဓာယတိ၊ ကွယ်လေ၏-တဲ့။
ပရိယတ္တိသာသနာ ကွယ်တဲ့ အခါမှာ အဘိဓမ္မာနှင့် သုတ္တန်က အလျင်ကွယ်ပါတယ်၊ ၀ိနည်းက နောက်မှ ကွယ်ပါ တယ်၊ ၀ိနည်းပိဋကတ်မှာလဲ မာတိကာဆိုတဲ့ ပါတိမောက်က နောက်ဆုံးမှ ကွယ်ပါတယ်၊ အဲဒီပါတိမောက် မာတိကာကွယ် သွားလျှင်တော့ ပရိယတ္တိသာသနာ လုံးလုံး ကွယ်တော့တာပါပဲ၊ သုတယုဂ်ဆိုတာလဲ အဲဒီအခါမှာမှ ကွယ်တယ်လို့ ဆိုလိုပါ တယ်၊ ဒါကြောင့် "မာတိကာ ပရိယောသာနာ၊ မာတိကာလျှင် နောက်ဆုံးရှိသော ပရိယတ် တရားတော် အားလုံး ကွယ်တဲ့ အခါမှာ" လို့ ပြဆိုထားပါတယ်၊ အဲဒီလို ပရိယတ်တရားတော် လုံးလုံးကွယ်သွားတဲ့နောက်မှာ ၀ိမုတ္တိယုဂ တဖန် ဖြစ်နိုင်မည်, မဖြစ်နိုင်မည်ကို ဒီနေရာမှာ ဆင်ခြင် ကြည့်ဘို့ပါပဲ။
အဲဒီလို သုတယုဂ် ကွယ်သွားတဲ့အခါမှာ ဘာတွေသာ ရှိနေမလဲ ဆိုလျှင် "တတော ပဋ္ဌာယ၊ ထိုသုတယုဂ်ကွယ်သော ကာလမှစ၍။ လိင်္ဂမတ္တမေ၀ အ၀သိဿတိ၊ ရဟန်း၏အသွင်အပြင်မျှ ရဟန်းတု ရဟန်းယောင်မျှသာလျှင် ကျန်နေပါတော့ မယ်"တဲ့၊ အဲဒီ ရဟန်းတု ရဟန်းယောင်တွေက ဘာတွေ လုပ်ကြမလဲဆိုလျှင် "ယထာတထံ သံဟရိတွာ၊ ဟုတ်ဟုတ်ညားညား ရရာနည်းဖြင့် ပစ္စည်းစု၍။ ဒါနမုခေန ၀ိဘဇ္ဇေန္တိ၊ ဒါန ကုသိုလ်လောက်သာ အမွန်အမြတ်ပြုလျက် စွန့်ကြ ပေးလှူကြပါလိမ့် မယ်"တဲ့၊ ဒါဟာ ဒါနယုဂအထိ ဆုတ်ယုတ်ပုံကို ပြတဲ့ အဋ္ဌကထာ စကားပါပဲ။
ဒါနယုဂမှာ ဒါနလောက်သာ အမွန်အမြတ် ရှိတော့တယ်၊ ကျင့်ကြံနည်း ပရိယတ် တရားတော်တွေကတော့ လုံးလုံး မရှိတော့ဘူးလို့ ယုဂ်ငါးခု ပြတဲ့ ကျမ်းရင်း အဋ္ဌကထာက မိန့်ဆိုထားပါတယ်၊ ဒီအတိုင်း ဆိုတော့ ကျင့်နည်း ကြံနည်းက လုံးလုံး မရှိတော့တဲ့အတွက် ဒါနယုဂပြီးတော့ ၀ိမုတ္တိယုဂ တဖန် ပေါ်လာမည်ဆိုတာဟာ ယုံကြည်ဘွယ်ရာမရှိပဲ ဖြစ်နေပါ တယ်။
ထေရ၀ါဒ
----------
ဘုရားတပည့်တော်တို့၏ ထေရ၀ါဒဂိုဏ်း သာသနာအစဉ်နှင့် ပြောရမယ်ဆိုလျှင် "သုတယုဂ ကုန်ခဲ့ပြီ၊ ဒါနယုဂ ရောက်ခဲ့ပြီ၊ ရောက်နေပြီ"လို့ ဘယ်နည်းနှင့်မျှ မယူဆ မပြောဆိုနိုင်ပါဘူး၊ ဘာ့ကြောင့်တုံးဆိုလျှင် ပိဋကသုံးပုံ ပရိယတ် တရားတွေဟာ ထေရ၀ါဒ သာသနာအစဉ်အဆက် ဘယ်တော့မှ မကွယ်ခဲ့ပါဘူး။ ယခုလဲ နိကာယ်ငါးရပ် ပိဋကသုံးပုံလံ အပြည့်အစုံ အကုန်တည်ရှိနေပါတယ်၊ ကောင်းကောင်းသိတဲ့ ပုဂ္ဂိုလ်တွေလဲ အများကြီးပဲ ရှိနေကြပါတယ်၊ ဒါကြောင့် သုတ ယုဂ ကွယ်ခဲ့ပြီလို့ပင် မဆိုနိုင်ပါ၊ ဒါနယုဂရောက်ခဲ့ပြီ၊ ရောက်နေပြီလို့တော့ ဘယ်မှာ ဆိုနိုင်ပါတော့ မည်နည်း။
ဒါကြောင့် သာသနာ ငါးထောင်ဆိုတဲ့ အပိုင်းအခြားကို တိုက်ရိုက်ပြထားတဲ့ ၀ိနည်းအဋ္ဌကထာ, ဒီဃ, သံယုတ္တ,အင်္ဂုတ္တရ နိကာယ် အဋ္ဌကထာများအတိုင်းသာ ယူဆပြောဆိုသင့်ပါတယ်၊ တိုက်ရိုက်လဲ မပြ, သေလဲ မသေချာတဲ့ ထေရဂါထာ အဋ္ဌကထာမှာ ယုဂငါးပါးနှင့်တော့ ပြောဆိုရန် သင့်မည်မထင်ပါ၊
ယခု ပြောခဲ့တာဟာ သာသနာ ငါးထောင်နှင့်စပ်ပြီး အဋ္ဌကထာများ မိန့်ဆိုထားပုံ အကျဉ်းချုပ် ဖြစ်ပါသည်။
{ ဝိနယဝိနိစ္ဆယသင်္ဂဟ }
မဟာစည်ဆရာတော်
🌞
“ဗုဒ္ဓဘာသာဝင်တိုင်းသိထားသင့်သည့် သာသနာ(၅၀၀၀) နှင့် သိကြားသာသနာ အယူအဆ”
“မြတ်စွာဘုရားရှင်က သာသနာတော်ကို နှစ်ပေါင်း(၅၀၀၀) ထားခဲ့တယ်၊ ၂၅၀၀ ကျော်ရင် သိကြားသာသနာဖြစ်သွားပြီး” ဆိုသည့် အယူအဆဟာ ထေရ၀ါဒ ဗုဒ္ဓသာသနာတော် ထွန်းကားရာ မြန်မာနိုင်ငံမှာ အတော်များများ လက်ခံယုံကြည်ထားတဲ့ အယူအဆတခုပင်ဖြစ်သည်။
အယူအဆအရဆိုလျှင် မြတ်ဗုဒ္ဓ၏ သာသနာတော်သည် နှစ်ပေါင်း (၅၀၀၀) သာခံမည်။ (၅၀၀၀)ကျော်လျှင် သာသနာတော်သည် ဧကန်မုချ ကွယ်ပျောက်မည်။ သာသနာနှစ်ပေါင်း(၅၀၀၀) မပြည့်သေးသမျှ ဘယ်သူဖျက်ဖျက် သာသနာတော်သည် မကွယ်ပျောက်နိုင်ဟု အဓိပ္ပါယ် သက်ရောက်နေပေ၏။
ယခုမူ သာသနာနှစ်ပေါင်း (၂၅၀၀)ကျော်ပြီဖြစ်တဲ့အတွက် လက်ရှိ သာသနာတော်ကို သိကြားမင်းက စောင့်ရှောက်နေသည်ဟု အထင်ရောက်နေ၏။
ထို့ကြောင့် မြတ်စွာဘုရားရှင်က အမှန်ပင် ငါဘုရား၏ သာသနာတော်ကို နှစ်ပေါင်း (၅၀၀၀)သာခံမည်။ သာသနာနှစ်ပေါင်း (၂၅၀၀) ကျော်လျှင် သိကြားမင်းက ငါ့ဘုရား သာသနာကို စောင့်ရှောက်ပေးမည်ဟု ဗျာဒိတ်တော်ထား ဟောကြားထားခြင်း ရှ်ိ/ မရှိ ဆိုသည်ကို လေ့လာ ဆန်းစစ်ဖို့ လိုအပ်လာပါသည်။
သာသနာတော်သည် နှစ်ပေါင်း (၅၀၀၀)သာခံမည်ဟုလည်းကောင်း သာသနာတော်နှစ် (၂၅၀၀)ကျော်လျှင် သိကြားမင်းက သာသနာတော်ကို စောင့်လျှောက်မည်ဟူ၍လည်းကောင်း မြတ်စွာဘုရားရှင်သည် လုံးဝ ဟောကြားထားခြင်း၊ဗျာဒိတ်ပေးထားခြင်း အလျဉ်းမရှ်ိပါဘူး။
သာသနာနှစ်(၅၀၀၀) အယူအဆသည် သီဟိုဠ်ကျွန်းဖြစ် ကျမ်း နှစ်ဆောင်ဖြစ်သည့် “မဟာဝံသကျမ်း” နှင့် “ဒီပ၀ံသ” ကျမ်းတို့ မှ မြစ်ဖျားခံလာသည့် အယူအဆသာ ဖြစ်ပါသည်။ မဟာဝံသကျမ်းတွင် “အရှင်မဟာကဿပ မထေရ်မြတ်ကြီးသည် ဘုရားရှင်၏ သာသနာတော်ကို အနှစ်(၅၀၀၀) ကာလကြာအောင် ပြုတော်မူခဲ့၏” ဟု ဖော်ပြထားပါသည်။
ထိုမဟာဝံသကျမ်း၌ ရေးသားထားချက်ကို ထောက်ရှု၍ အဋ္ဌာကထာ ကျမ်းပြုဆရာကြီး “အရှင်မဟာ ဗုဒ္ဓဃောသ” က “အရှင်မဟာကဿပမေ ထရ်မြတ်ကြီးသည် အားတော်ဆယ်ပါး၊ ဥာဏ်တော် ဆယ်တန်နှင့် ပြည့်စုံတော်မူသော ဘုရားရှင်၏ သာသနာတော်မြတ်ကြီးကို အနှစ်(၅၀၀၀) ကာလကြာအောင် တည်တန့်ရန် လုပ်ဆောင်တော်မူခဲ့၏” ဟု ပါရာဇိကဏ်၊ သုတ်သီလက္ခန်၊ အဋ္ဌာသာလိနီ အဋ္ဌာကထာကျမ်းများတွင် ဖော်ပြထား၏။
သာသနာနှစ် (၅၀၀၀)နှင့် ပတ်သက်သည့် ရဟန္တာစသည့် ခေတ်နှင့် နှိုင်းယှဉ် ဥပမာပေးထားသည်ကို တွေ့ရပါသည်။
ပါထိက၀ဂ္ဂ အဋ္ဌာကထာနှင့် သုတ်ပါထေယျ အဋ္ဌာကထာတို့တွင် အောက်ပါအတိုင်း နှိုင်းယှဉ်ရေတွက် ဖွင့်ဆိုထား၏။
(၁) ပဋိသမ္ဘီဒါလေးပါးရသော ရဟန္တာခေတ် တထောင်။
(၂) အဘိဥာဉ် ခြောက်ပါးနှင့် ပြည့်စုံသော ရဟန္တာခေတ် တထောင်။
(၃) ၀ိဇ္ဇာသုံးပါးနှင့် ပြည့်စုံသော ရဟန္တာခေတ် တထောင်
(၄) ဈာန်မရသော ရဟန္တာခေတ် တထောင်။
(၅) ၂၂၇- သွယ်သော သိက္ခာပုဒ်တို့ကို ထိမ်းသိန်း စောင့်ရှောက်သော ပုထုဇဉ် ရဟန်းတော်ခေတ် တထောင်ဟူ၍ ဖွင့်ဆိုထားပါသည်။
အင်္ဂုတ္တရ အဋ္ဌာကထာ နှင့် သမ္မောဟ၀ိနောဒနီအဋ္ဌာကထာတို့တွင်-
(၁) ပဋိသမ္ဘီဒါလေးပါးရသော ရဟန္တာခေတ် တထောင်။
(၂) အဘိဉာဉ် ခြောက်ပါးနှင့် ပြည့်စုံသော ရဟန္တာခေတ် တထောင်။
(၃) ၀ိဇ္ဇာသုံးပါးနှင့် ပြည့်စုံသော ရဟန္တာခေတ် တထောင်။
(၄) ဈာန်မရသော ရဟန္တာခေတ် တထောင်။
(၅) အနာဂါမ်၊သကဒါဂါမ်၊သောတာပန် အရိယာခေတ် တထောင်
လို့ နှိုင်းယှဉ်ဥပမာပြု၍ ရေတွက်ထားပါသည်။
ဖော်ပြပါ သာသနာ(၅၀၀၀) နှိုင်းယှဉ်ဖွင့်ဆိုပြချက်များမှာ သာသနာတော် အနှစ်(၅၀၀၀) ပဲတည်တံ့မည်ဟု ဖော်ပြထားခြင်းပါဟုတ်ပါ။ ရဟန္တာခေတ်များကို ပိုင်းခြားသတ်မှတ်ထားခြင်းသာဖြစ်ပါသည်။
သာသနာတော်ဆိုသည်မှာ “အဆုံးအမ”သာဖြစ်ပါသည်။ နှစ်၊ကာလ “အပိုင်းအခြား”မဟုတ်ပါဘူး။ မြတ်စွာဘုရားရင်ဟောကြားတော်မူခဲ့သည့် အဆုံးအမတရားဓမ္မများကို လိုက်နာသူရှ်ိနေသ၍ သာသနာတည် ရှိနေမည်ပင်ဖြစ်သည်။
တချိန်တခါက ဗုဒ္ဓသာသနာတော် နေလို၊လလိုထွန်းပခဲ့တဲ့၊ အီရတ်၊အီရတ်၊အာဖဂန်နစ္စတန်၊ အင်ဒိုနီးရှား၊မလေးရှားစ သည့် နိုင်ငံ တို့သည် ဘုရားရှင်၏ အဆုံးအမ တရားဓမ္မကို မလိုက်နာကြသဖြင့် သာသနာနှစ်(၂၅၀၀)မပြည်ခင်ကပင် သာသနာတော်ကွယ်ပခဲ့သည်ကို သတိမူသင့်ကြပေ၏။
ဘုရားရှင်၏ အဆုံးအမ တရားဓမ္မများကို လိုက်နာကျင့်သုံးနေထိုင်ကြမည် ဆိုပါက နှစ်ပေါင်း (၅၀၀၀) မက ၅-သောင်းမက၊ ၅-သိန်းမက တည်ရှ်ိနိုင်၏။ ဘုရားရှင်၏ အဆုံးအမ တရားဓမ္မများကို မလိုက်နာ၊မကျင့်သုံးလျှင်ကား အနှစ်( ၅၀၀၀) မပြည့်မီလည်း သာသနာတော်သည် ကွယ်ပျောက် သွားနိုင်ပါသည်။
သာသနာနှစ်(၂၅၀၀)ကျော်လျှင် သာသနာတော်ကို သိကြားမင်း စော င့်ရှောက်မည်။ သိကြားသာသနာဖြစ်မည်ဟူ၍ လည်းဘုရားရှင်ကို ယ်တော်မြ တ်ကြီးသည့် မိန့်ကြားထားခြင်း၊ဟောကြားထားခြင်း၊ ဗျာဒိတ်ပေးထားခြင်းမရှိပါဘူး။
မြတ်စွာဘုရားရှင်က သာသနာကို မည်သူ့စောင့်မည်ဆိုခြင်းနှင့်ပတ် သက်၍ ဒေ၀ဒတ်က မေးလျှောက်သဖြင့် ကိုယ်တော်တိုင် ဖြေကြားေ တ်ာခဲ့သည့် သာဓကရှိပါသည်။
မြတ်စွာဘုရားထံချဉ်းကပ်၍ “မြတ်စွာဘုရားရှင်သည် သက်တော်ကြီး ရင့်နေပါပြီဘုရား။ ထို့ကြောင့် သံဃာတော်နှင့် သာသနာကို တပည့်တော်ထံ လွှဲအပ်ပါဘုရား” ဟု ဒေ၀ဒတ်သည် လျှောက်ထားပါသည် ။
ထိုအခါ မြတ်စွာဘုရားရှင်က “ငါ့ရှင် ဒေ၀ဒတ် သာသနာတော်အား သင့်အားမအပ်၊ သင်မှမဟုတ် အရှင်သာရိပုတ္တရာ၊အရှင်မောဂ္ဂလာန်တို့လို လက်ဝဲရံ၊လက်ယာရံ အဂ္ဂသာဝကများကိုပင်မအပ်” ဟုမိန့်တော်မူ၏။
ထိုအခါဒေ၀တ်က မြတ်စွားဘုရား ပရိနိဗ္ဗာန်ပြုတော်မူလျှင် သာသနာ ကို စောင့်ရှောက်ဖို့ရန် မည်သူထံ၌ အပ်ပါမည်နည်းဟုေ မးလျှောက်သြ ဖင့် ဘုရားရှင်က “ငါဘုရား ပရိနိဗ္ဗာန်စံဝင်လို့ ငါဘုရားမရှိတော့ရင် ငါဘုရားကို ယ်စား “ဓမ္မနဲ့ ၀ိနယ” ကိုထားတော်မူမ ည်ဟု မိန့်တော်မူပါသည်။
ထို့ကြောင့် သာသနာ(၂၅၀၀)ကျော်လျှင် သာသနာကို သိကြားစောင့် မည်ဆိုသည့် အယူအဆမှား လုံးဝမှားယွင်းသည့် အယူအဆပင်ဖြစ်ပါသည်။
“ဓမ္မဆိုသည်မှာ မြတ်စွာဘုရား ဟောကြားတော်မူခဲ့သည့် တရားတော်တို့ဖြစ်ြ ပီး၊ ၀ိနယဆိုသည်မှာ ငါးပါး၊ရှစ်ပါး၊ နှင့် လင်ဝတ္တတရား၊မယားဝတ္တရား အကြီးအကဲဝတ္တရားစသည့် လိုက်နာဖွယ်ရာ ၀ိနည်းစည်းကမ်းတို့ကို ဆိုလိုပါသည်။
မြတ်စွာဘုရားကိုယ်စား ထားရစ်တော်မူခဲ့သည် “ဓမ္မ၊၀ိနယ”တို့ကို ကျင့်သုံးနေသမျှကာလပါတ်လုံး၊ လိုက်နာနေသမျှ ကာလပတ်လုံး သာသနာတော်သည် တည်တံ့နေမည်သာဖြစ်ပါသည်။
ဓမ္မ၀ီရ အရှင်တေဇနိယ
ဗုဒ္ဓဂယာ၊အိန္ဒိယ
(ကျမ်းကိုး)
မဟာဝံသပါဠိ၊ ဒီပ၀ံသပါဠိ၊
အင်္ဂုတ္တရအဋ္ဌာကထာ
သမ္မောဟ၀ိနောဒနီအဋ္ဌာကထာ
ပါထိက၀ဂ္ဂအဋ္ဌာကထာ
သုတ်ပါထေယျအဋ္ဌာကထာ
ပါရာဇိကဏ်၊ သီလက္ခန်၊
အဋ္ဌာသာလိနီအဋ္ဌာကထာ
အမြင် အယူမှန်ကန်ရေး ၊ မင်းနန် မော်ကျွန်း။
